VeliSahitiTrix Channel profile

• Perfil
• Videos
• Favoritos
• Lista de videos

Historiku i ansamblit "TRIX" është i gjatë, është formua në pranverë të vitit 1974. Në fillim ishim tre anëtarë: Veli Sahiti, Muhamet Bislimi e Nuredin Azemi. Ndërsa me kalimin e kohës u kompletua si grup dhe realizoi një album i cili si rezultat i punës së palodhshme dhe aktivitetit gjatë viteve "70-80". Ndërsa unë me xhelozi ruaj edhe më tani "TRIX"-in reputacionin e tij të krijuar me mjaft punë dhe përkushtim, ruajtja e asaj fryme që kishte filluar në vitet "70" kur u afirmua në opinionin kosovar për mua kishte dhe ka rëndësi të veqantë. SHQIP dhe VETËM SHQIP. Njashtu rol të rëndësishëm në këngët e "TRIX"-it përmban edhe teksti, ku tekstet e këngëve janë tekste të inkoporuara ngushtë me melodinë "SI MISHI ME THUA". Këto janë dy qasje specifike, që unë gjithmonë kam pasur kujdes që tekstet ti marrë nga krijuesit letrar, nga poetë e dëshmuar, ndoshta pak do të tingëllon si fanatizëm , me që kam marrë tektste të krijuesve nga rrethi im ku jetoj, megjithatë ato tekste i kam selekcionuar me kriter të fortë, si p.sh. Faruk Tasholli, Bardh Frangu, Kemajl Aliu, Rahmi Tuda, Agim Mehmeti, Biser Mehmeti, Hajdin Abazi, "Xeni" - Shkëlzen B, etj, që të gjithë nga Ferizaj, por edhe krijues të tjerë veqmas shkruajtën tekste për grupin "TRIX" dhe u jam shumë mirënjohës: Emrush Shalën, Shemsedin Pretenin, etj. Poashtu kornizë në vehte përmban këngëtari ku duhet të ketë dinamizëm si dhe energji të mbrendshme në interpretim, nga se përjetimin shpirtëror të një kënge ai duhet ta bartë tek auditoriumi. Gjatë viteve 70 e deri në vitin 1986 grupi "TRIX" ka marrë pjesë në shumë festivale si p.sh.: "RINIA KËNDON" 1978, 1979, 1980, 1981, 1982. Në festivalin "AKORDET DIMËRORE" që organizohej në Doboj 1980 si dhe 1981. Në vitin 1981 në këtë festival u plasuam në vendin e parë ku si kompozitor dhe interpretues u shpërbleva me Okarinë të Artë dhe shumë e shumë shpërblime të tjera. Prej të gjitha këtyre festivaleve dhe më se 2000 koncerteve që u prezentuam në Kosovë e diasporë do të veqoja pjesëmarrjen e vitit 2001 në DW i cili festival kishte rëndësi të veqant e jashtëzakonisht të madhe, jo se shënon kulmin e krijimtarisë sime, nga se atë e kam arritur apo do ta arrijë në të ardhmen, apo do ta dëshmojë koha, porse në Këln të Gjermanisë përfaqësuam Kosovën në një festival të muzikës argëtuese, dhe u gjendëm në mesin e shumë grupeve nga mbarë Evropa, ku u prezentuan xhaz muzika, bluz muzika, si dhe pop-rok muzika. Ne patëm fatin që publikut Gjerman t´i prezentojmë me një orë program pop-rokun kosovar. Duhet të them edhe këtë se prezentimi im në festivale të ndryshem i përfaqësoj në du mënyra: Në festivalet kombëtare- përfaqësoj qytetin tim Ferizajn, Ndërsa në ato me karakter gjithë kombëtarë përfaqësoj Kosovën. Bashkëqytetarët e mi ashtu shqipëtarët në përgjithësi dijnë të çmojnë vlerat dhe kjo pa masë më gëzon edhe për faktin se është dëshmi e punës sime përkushtuese. Megjithatë këtë do kisha lidhur se secili krijues lufton së pari për ekzistencë dhe askush prej tyre nuk mund ta mohojë këtë komponent, mandje edhe në etapën fatkeqe kur dominonte politika e tezgës e cila lindi bastardhimet si shundin dhe kiçin në muzikë, dhe përgjithësisht në art. Kujtoj se muzika është ajo që ka qenë që nga zanafilla e saj dhe humbës apo fitues nuk ka. Dikush që nuk krijon sistem vlerash do të jetë i përkoshëm si në jetë ashtu edhe në art. Nisma e mbarë e zhvillimit të rokut u pre me gërshërë dhe kjo është diç negative, sepse fryma e rokut mendoj se është e nevojshme për ne edhe sot, aq më tepër kur dihet se në esencë të saj qëndron protesta, kjo mënyrë e sjelljes është edhe sot e kësaj dite e domosdoshme, pavarësisht nga ndryshimet që janë bërë. Do veqoja ndër të gjitha se vitin 2001 kam mbajtur disa koncerte humanitare me moton "JU NDIHMOJMË INVALIDËVE TË LUFTËS" si dhe familjeve të dëshmorëve. Ajo ishte e shfaqur gjatë muajit prill e maj. Iniciativa të tilla nuk do të mungojnë edhe në të ardhmen. MENDIM ATA QË MENDOJNË SE KANË TALENT MOS TA MARGJINALIZOJNË VETËVETEN, TË IMPONOJNË TALENTIN -NDIHMA PËR TA NUK DO TË MUNGOJË-

- Política de Privacidad